Л.Гантөмөр: Улс орныхоо төлөө санаа зовдог хүн нь олон байна байх

2016.01.29 Баасан №012 (2043)

Б.Бадамгарав

“Ардын эрх” сонин, “Eagle news” телевиз, “Үндэстний тойм” сэтгүүл, “Eagle.mn” сайт хамтран “Хонин жилийн таамаг-2016”-г зарласан билээ. “Монголын медиа” корпорациас зохиож буй энэ таамагт нэгдэхийн тулд твиттерийн “#таамаг2016” хаштагаар оролцож болно. Боловсрол, соёл, шинжлэх ухааны сайд Л.Гантөмөр манай таамагт оролцож, дараахь таван асуултад ийн хариуллаа.

-Цагаан сарын өмнө долларын ханш хэд байх вэ?
-3-5 хувийн өсөлт бууралтыг тогтвортой гэж үздэг. Тэгэхээр тогтвортой байна гэж бодож байна.
-Үхрийн цул мах нэг кг нь хэд болох вэ?
-Бага зэрэг хямдарна.
-Байрны метр квадратын үнэ өөрчлөгдөх болов уу?
-Огцом унаж байсан нь тогтворжсон. Одоо бол байрны үнэ тогтвортой буурч байгаа. Өсөлт гарахгүй байх. Ер нь доллар, мах, байрны үнэ бүгд тогтвортой байна. Ямар нэгэн хүчтэй өөрчлөлт гарахгүй.
-Засгийн газар тогтвортой байж чадах уу?
-Чадна. Эрхбиш улс орныхоо төлөө санаа зовдог хүн нь олон байна байх. Тэр хүмүүс Засгийн газар тогтвортой байдлаа хадгалах нь зөв гэсэн шийдвэрийг гаргах болов уу гэж найдаж байна. 
-Цагаан сарын барилдаанд ямар бөх түрүүлэх бол?
-Энэ жил улсын арслан П.Бүрэнтөгс түрүүлэх байх. Бас улсын харцага Б.Пүрэвсайхан түрүүлж магадгүй.

Эх сурвалж: Ардын эрх
Манай сайт таалагдаж байвал Like дараарай, баярлалаа.